SHILLONG: Judicial Magistrate First Class-ni court, Sonibar salo Raja Raghuvanshi-ko so·otani mamlao Sonam Raghuvanshi aro uni mikchagipa Raj Khuswaha-ko sal 13-na judicial custody-o donatdapaha.
Meja Bristibar salosan court, uamang sakgniko salgnina police custody-o donchina ge·etaniko on·ahachim, ua somoi Sonibar salo bon·aha, uni gimin Shillong Police, Sonibar salo court-ona rimangaon sing·sandiangkuna custody-o ra·na bi·dapaha.
Police, dos dakgiparang sakgniko police custody-o donangkuna somoi bi·dapa dongja indiba judical custody-ko ra·dochina mol·molaha, uni gimin court, ra·chakaniko on·aha ine Additional Public Prosecutor Tushar Chandra aganaha.
Sonibar salni hearing-o Defence, maming legal aid-ko on·angjaha.
Ia antiosan court, mamlao dos dakgiparang sakgittam gipinrang- Akash Rajput, Vishal Singh Chauhan aro Anand Kurmi-mangko sal 14-na judicial custody-o donataha.
Sonibar salo dos dakgiparang sakgnikon bilakgipa chelchakanio court-ona rimangaha.
