Thursday, July 17, 2025
spot_img

Raja Raghuvanshi-ko so·otani bidingo sing·sandina sakgniko rim·dapa

Date:

Share post:

spot_imgspot_img

Sonam-ni bag-ko so·e galako man·a

SHILLONG: Indore songjinmao bading chiwale cha·gipa Raja Raghuvanshi-ko Sohra jolo so·ote galgipani bidingo Meghalaya a·dokni Special Investigation Team (SIT), Indore songjinmao mande sakgniko sing·sandina gita rim·dapaha aro ia manderangko Shillong songjinmaona rimbana sienga ine East Khasi Hills a·jani Superintendent of Police (SP) Vivek Syiem parakataha.

SP-ni parakatani gitade, SIT-ni rim·gipa mande sakgnioni saksade, Raja Raghuvanshi-ko so·otanina rim·ako man·gipa Vishal Singh Chauhan-na nok para on·gipa mande ong·a aro rim·ako man·na skang, Raja Raghuvanshi-ni jikgipa Sonam, ia nokon dongchakachim.

SIT-ni rim·gipa sakgipin mandeara, ia noko security guard-ni kamko ka·gipa mande ong·a aro ia mande, ia a·selni bidingo aditan ma·siachim ineba police-rang chanchichipenga.

CCTV camera-oniko nikna man·ani gitade, Sonam-ko police-rangni rim·ani ja·man, ia nokni nokgipa, jekon Silome James ine mingachim, ua Sonam-ni bag-ko ia nokoniko ra·galataha ine police official aganaha. Ia nokoniko Sonam-ni adita bosturangko gimaatahani gimin police-rang, ia mandeko sing·sandina rim·aha ineba Syiem aganaha.

Silome James-ko rim·ani ja·man, Sonam-ni bag-ni gimin sing·sandion, ua police-rangko, uni so·e galgipa biapona rimangaha.

East Khasi Hills a·jani SP Vivek Syiem-ni parakatani gitade, ia mandeni so·e galgipa bosturangko chimongna gita forensic dolni manderangba ua biapona re·angaha.

“Ia kamgimin bosturangko Central Forensic Science Laboratory (CFSL)-o porikka ra·e nianggen,” ine SP parakataha.

Koborko on·ani gitade, ia bag-kon Meghalaya Police-ni SIT, batanggimin salbongana kingking Indore songjinmaoniko sandiengachim. SIT official-rang, Sonam Raghuvanshi-ni nok aro uamangni plywood karkanarangonikoba ia bag-ko sandiaha aro nokdangni manderangoba sing·sandiahachim. Ia bag-o gong lak 5 tangka baksana pistol pongsa, Sonam-ni phone aro Raja-ni gamchatgipa bosturangba dongachim ine official-rang aganaha.

Rim·a man·gipa mande sakgniko da·o Indore-ni kachario mikkangpaatgen aro uamangko talbate sing·sandina Shillong-ona rimbana SIT, kachario bi·gen ineba kobor on·timgiparang parakataha.

spot_imgspot_img

Related articles

B’desh polls spark political verbal crossfire on reforms

Awami League slams army action on civilians in Gopalganj DHAKA, July 16: As Bangladesh’s general elections approach, major political...

Israel strikes Damascus amid Syria-Druze clashes

DAMASCUS, July 16: Clashes erupted in the southern Syrian city of Sweida on Wednesday after a ceasefire between...

20 killed at Gaza aid site, says Israel-linked group

TEL AVIV, July 16: Twenty Palestinians were killed at a food distribution center run by an Israeli-backed American...

Thai woman held for blackmailing monks

BANGKOK, July 16: Thai police have arrested Wilawan Emsawat, a woman accused of seducing senior Buddhist monks into...