SHILLONG: Gital dake taritaigipa Captain Williamson Sangma State Museum-ko Budbar salo, a·dokni Chief Minister Conrad K Sangma-ni jakchi, Shillong songjinmani U Soso Tham Auditorium-o kulie on·angaha.
Ia museum-ko kulie on·anganio, a·dokni Arts & Culture Minister Paul Lyngdoh, Power Minister Abu Taher Mondal, a·dokni skanggipa Chief Minister Capt Williamson A Sangma-ni nokdang, dingtang dingtang official-rang aro gipinrangba dongpae bak ra·angaha.
Ia museum-ko kulie on·anganio a·dokni Chief Minister, jinmana aganprakangengon, ian Hill State Movement-ko aro a·dokni skanggipa Chief Minister Captain Williamson Sangma-ko man·chape a·dokko man·na krengdilgipa pagitcham ma·gitchamrangko gisik ra·na kuligipa museum ong·enga ine aganaha.
Ian a·doko gamchatbegipa jatni daka rikanirangko ripinganio economy-koba pangkamgipa ong·e dal·roroatna niksamsoani gnang ja·ku de·ani ong·enga ineba Sangma aganaha.
A·dokni chatro chatrirang, jatni daka rikanirangko aro a·dokni itihasrangko ma·sie ra·na nangchongmota ine janapatengon, pilak chatro chatrirangkon ia museum-ona watatchina bakan Education department-oni ge·etaniko on·gnok ine Chief Minister parakataha.
Ia apsan dakgipa museum-ko Tura aro dingtang dingtang district headquarter-rangoba kuligen ine janapatengon, ia gital project-rangna da·o design-rangko tariengaha ine Sangma parakataha.
Chief Minister’s Research Grant (CMRG)-chi dingtang dingtang jatrangni daka rikani aro namroro silroroani bidingo am·sandianirangko dakna a·bachengataha ineba Chief Minister parakataha.
Ia museum-ko kulie on·anganio a·dokni Chief Minister aro gipin dilgiparang, India Post-ni tarigipa ia State Museum-ni cover aro Arts & Culture department-ni gital logo-koba oprake on·angjolaha.
Gital dake taritaigipa Capt Sangma State Museum-ko CM-ni jakchi kulia
Date:
Share post:
