TURA: India sorkarini Consumer Affairs Ministry-oni ge·etaniko man·soahani gimin NFSA (AAY aro PHH)-ni namgniko man·enggipa pilak manderangkon, re·baenggipa June 30 tarikni gisepon Aadhar seeding ka·aniko aro Fair Price Shop-rango e-KYC-ni kamrangko matchotatchina Meghalaya sorkarini Food, Civil Supplies & Consumer Affairs-ni Commissioner & Secretary u·iataniko on·ataha.
June 30 tarikni ja·mande tarikrangko ra·dodaptaiani dongjawaha ine u·iatengon, NFSA-ni namgnirangko ra·na gita Tura Sadar Division-ni ning·o NFSA (AAY aro PHH)-ni namgniko man·enggipa pilak manderangkon, Aadhar seeding-ko aro Fair Price Shop centre-rango e-KYC-ko dakchina ge·etaniko on·ataha.
NFSA (AAY aro PHH)-ni namgniko man·enggipa manderang aro uamangni nokdangrang, Aadhar seeding-ko aro e-KYC-ko dakna man·na gita Tura Sadar Division-ni ning·o donggipa pilak Fair Price Shop-rangko salantian kulie donchina gitaba West Garo Hills Supply-ni Joint Director ge·etaniko on·angaha.