SHILLONG: Meghalaya a·dokona, mongsongbate Khasi-Jaintia Hills jolrangona rel garirangko ra·baani bidingo chanchirimna gita sorkarini songe on·gipa committee-o Opposition dolrang bak ra·jaengani gimin a·dokni Chief Minister Conrad K Sangma suk ong·gijaniko parakaha.
Meghalaya a·dokona niam gri napsrukanirangko champengna Inner Line Permit (ILP) gita dakgipa niamrangko ra·gatchenggija rel garirangko ra·bana miksongengani gimin sorkariko sing·doatenba, a·dokni Opposition dolrang, mongsongbate Voice of the People’s Party (VPP) aro Congress dolrang, ia committee-o bak ra·jana tik ka·angahachim.
Opposition dolrangni iandake committee-o bak ra·jana tik ka·ahani gimin an·tangni suk ong·gijaniko parakatengon, a·dokni namgnina kamrangko ka·anio a·songni dongimin niamrangko ja·rikna nangani gimin Chief Minister janapatenba, iani bidingo chanchipiltaichina Opposition dolrangko didiataha.
“Rel gari ra·baaniko na·simang namniknaba gnang ba namnikjanaba gnang indiba an·ching apsan asonge chanchirimanikosa nangenga. Niamkon ja·rikchenggija mitam political dolrangde committee-o bak ra·pajana tik ka·angaha aro angni nikaniode ian niam gita ong·jaenga,” ine Sangma aganaha.
Rel project-ni bidingo sorkarini songe on·gipa committee, April jani bon·kamgipa antion skanggipa tom·aniko ong·atna tik ka·ahachim indiba opposition dolrang bakrimjani a·sel ia tom·aniko ong·atchipna man·kujaengachim.
Ia committee-ko songani miksonganiara, Khasi aro Jaintia Hills a·jarangona rel garirangko ra·baani bidingo dingtang dingtang political dolrang aro civil society organization-rang baksa apsan chanchirimanian ong·achim.
Indake ong·genchimoba, a·dokona niam gri napsrukanirangko champengna ILP gita dakgipa niamrangko ra·gatchenggijade rel garirangko ra·baani bidingo chanchirimna man·jawa ine Khasi Students’ Union, Federation of Khasi-Jaintia and Garo People, Jaintia Students’ Union, aro Hynniewtrep National Youth Front dolrang parakskaaha.
 |
ReplyForward
|