SHILLONG: Bi·sarang jemangan gipin biaprango poraina re·angna miksongenggiparangna SOP baksa a·dok sorkari ra·baenga.
State Commission for Protection of Child Rights (SCPCR)-ni Chairperson, Agatha Sangma, adita Cabinet Minister-rangko grongaha aro SOP-ni bidingo uamangna agan-talate on·aha jekon da·o tarienga.
Bi·sarangko gipin biapona poraina rim·angna skang SOP dongna nanga, indakgiparangni bidingo sorkari maming ma·siani dongja aro jensalo a·selrang ong·aha unosa sorkari iani bidingo ma·sina man·aia, ine Agatha Sangma aganaha.
SOP-rangni gita, skulrangko aro maidake dongenga uarangko sorkari ma·sigen jeon bi·sarang uamangni poraianina gipin biaprango naljokaniko man·gen, ine ua aganaha.
SOP-rangni gamchataniko ia bilsi a·bachengao ma·siaha, jensalo Meghalaya a·dokoni sakgni poraigipa bi·sarang gipin sak 20 manderang baksa siaha, ian Bengaluru-o Gokula Educational Trust-o uamangni poraiani somoio cha·ani cha·mittingo bisi gnang cha·aniko man·e sai siaha.
A·doko me·chikrang aro bi·sarangni kosako namgija daka mamlarang baririkrikengani bidingo Commission chanchina nangbatgipa ong·aniko aganaha.
Indakgipa a·selrang mikrakatani ong·enga aro uamang iani mamlao adita ning·tubate ra·aha, ine Sangma aganaha. Skulrango chatro chatrirangna doka satani, nama namgija dangtaparangni bidingo uamangna programme-rangko Commission ong·atenga, ine ua agandapanga.
Social media-rango bang·e mesokenggipa ong·e bang·a mamlarangko segatengaha aro ia sal somoirango ta·raken indakgipa a·selrang gipenga, ine ua aganaha.
Social media-rango badia bi·sarang bang·bate jinmana parak ong·batenga indakgiparangko nina nangchongmotanio ua gisiko nangbate aganaha.
Gipin biaprango poraina am·enggipa bi·sarangna SOP-ko sorkari ra·baenga
Date:
Share post:
