TURA: MCS Rikse Marak-ni skango kam ka·anirangko niatenba, uko Meghalaya Board of School Education (MBOSE)-ni Chairman-na seokaniko A·chik State People’s Front (ASPF) jegalaha aro suk ong·gijaniko parakaha.
‘‘Kam ka·arang tik ong·ja aroba cha·bok-rusinirango jak donga ine manderangni matnangtokani gimin uko skangon Garo Hills Autonomous District Council (GHADC)-oniko ra·galaha. Unbaksana, jinmao maming sing·grikanirangko dakgija Turao rikgipa World War I Cenotaph-ko pe·e galanioba ua jako donga, je kaman ma·ambio mandera·aniko aroba manderangni dukko mandera·gijani gita ong·aha’’ ine ASPF Secretary, Bernita Marak, uamangni Chief Minister Conrad Sangmana chitti ong·gipao janapaha.
‘‘Dingtang dingtang department-rango so·sojengjeng ong·atanirango aroba cha·boke cha·anirango uni changni chang jak dongpaanirangko nikaton uo ka·dongna man·ani dongja aro iandakgipa dal·gipa Meghalaya Board of School Education gita dakgipako re·dilna gita uo ka·dongchakna man·ja, jean hajal hajal chatro-chatrirangni mikkangchi janggi tanganio tongtong nangchakegipa ong·a,” ASPF dilgipa aganaha.
Marak indakeba gisik ra·ataniko on·aha je, daksogimin niam gitade, sorkarini a·gipi officer ong·genchimoba Commissioner aro Secretary-ni ka·maogipa rank-ni officer-rangde MBOSE-ni Executive Chairman-ni post-ko ra·na man·ja.
“Deputy Commissioner ong·giminrang mangba ia post-ko jako ra·na krakuja, indake uko ia post-na seokaniara, gimikni gitan kragipa ong·jaenga. Uni kamrangko niatgenchimode, ua Deputy Commissioner ong·nan krakuja aro MBOSE-ni chairman-na seokanide namen chel·sranga,” Marak aganaha.
MBOSE-ni mingnamaniko rakkina aro manderangna ka·donganiko ra·babilna man·na gita appointment on·giminko bakan ra·galpilchina gita Marak, a·dok sorkariko didiaha.
‘‘Kam ka·arang tik ong·ja aroba cha·bok-rusinirango jak donga ine manderangni matnangtokani gimin uko skangon Garo Hills Autonomous District Council (GHADC)-oniko ra·galaha. Unbaksana, jinmao maming sing·grikanirangko dakgija Turao rikgipa World War I Cenotaph-ko pe·e galanioba ua jako donga, je kaman ma·ambio mandera·aniko aroba manderangni dukko mandera·gijani gita ong·aha’’ ine ASPF Secretary, Bernita Marak, uamangni Chief Minister Conrad Sangmana chitti ong·gipao janapaha.
‘‘Dingtang dingtang department-rango so·sojengjeng ong·atanirango aroba cha·boke cha·anirango uni changni chang jak dongpaanirangko nikaton uo ka·dongna man·ani dongja aro iandakgipa dal·gipa Meghalaya Board of School Education gita dakgipako re·dilna gita uo ka·dongchakna man·ja, jean hajal hajal chatro-chatrirangni mikkangchi janggi tanganio tongtong nangchakegipa ong·a,” ASPF dilgipa aganaha.
Marak indakeba gisik ra·ataniko on·aha je, daksogimin niam gitade, sorkarini a·gipi officer ong·genchimoba Commissioner aro Secretary-ni ka·maogipa rank-ni officer-rangde MBOSE-ni Executive Chairman-ni post-ko ra·na man·ja.
“Deputy Commissioner ong·giminrang mangba ia post-ko jako ra·na krakuja, indake uko ia post-na seokaniara, gimikni gitan kragipa ong·jaenga. Uni kamrangko niatgenchimode, ua Deputy Commissioner ong·nan krakuja aro MBOSE-ni chairman-na seokanide namen chel·sranga,” Marak aganaha.
MBOSE-ni mingnamaniko rakkina aro manderangna ka·donganiko ra·babilna man·na gita appointment on·giminko bakan ra·galpilchina gita Marak, a·dok sorkariko didiaha.
 |