Bilsisani dormahako on·na ku·rachakaniko on·jaskal dontongjawa: NGEA
TURA: Garo Hills Autonomous District Council (GHADC)-o kam ka·enggiparangna ja 42-ni dormaharangko on·kujaengani gimin Non Gazetted Employees Association (NGEA)-ni sit-in-demonstration ba asonge jegalaniko mesokani Budbar salo sal 10 gapaha indiba da·alona kingkingan uamangni dabienggipani bidingo GHADC-ni Executive Committee (EC) maming ku·rachakanirangko on·na man·kujaenga.
GHADC-o kam ka·enggiparangni man·na nangenggipa dormaha da·o chu·gimik ja 42 batangpilengaha aro ia ja 42-oni komibeoba ja 12-ni dormaharangko on·china gita GHADC-ni NGEA dabiengachim.
NGEA-ni asonge jingjengataniko re·anggipa July 7 tarikonin a·bachengataha aro uandaken da·o uamangni kamrangko dontongate jingjengatani sal 10 gappilengahaoba, uamangni dabienga gita GHADC-ni EC, maming ku·rachakanirangko on·na man·skakujaenga.
“Chingko re·anggipa Sukrobar saloba, EC-ko chalaienggipa MDC-rang, okamatenba, chingni jingjengataniko dontongchina mol·molahachim indiba chingni dabienga gita chingna ja 12-ni dormaharangko on·ani bidingo uamang chingna maming ku·rachakanirangko on·jaha. Uni gimin chingni ia dabianiko chu·sokate on·na ku·rachakjaskalde chingni jingjengataniko maming dakeba dontongjawaha,” ine NGEA-ni president Brithen Sangma parakataha.
Budbar salo, NGEA-ni asonge jingjengataniko dakanio, TMC aro BJP MDC-rangko man·chape Opposition dolni adita sak MDC-rangba bak ra·angpaaha.
GHADC-o kam ka·enggiparangni man·na nangenggipa dormaha da·o chu·gimik ja 42 batangpilengaha aro ia ja 42-oni komibeoba ja 12-ni dormaharangko on·china gita GHADC-ni NGEA dabiengachim.
NGEA-ni asonge jingjengataniko re·anggipa July 7 tarikonin a·bachengataha aro uandaken da·o uamangni kamrangko dontongate jingjengatani sal 10 gappilengahaoba, uamangni dabienga gita GHADC-ni EC, maming ku·rachakanirangko on·na man·skakujaenga.
“Chingko re·anggipa Sukrobar saloba, EC-ko chalaienggipa MDC-rang, okamatenba, chingni jingjengataniko dontongchina mol·molahachim indiba chingni dabienga gita chingna ja 12-ni dormaharangko on·ani bidingo uamang chingna maming ku·rachakanirangko on·jaha. Uni gimin chingni ia dabianiko chu·sokate on·na ku·rachakjaskalde chingni jingjengataniko maming dakeba dontongjawaha,” ine NGEA-ni president Brithen Sangma parakataha.
Budbar salo, NGEA-ni asonge jingjengataniko dakanio, TMC aro BJP MDC-rangko man·chape Opposition dolni adita sak MDC-rangba bak ra·angpaaha.