RESUBELPARA: North Garo Hills a·jao gital rikgipa dolong damgni, chong·motan Bajengdoba-Resubelpara ramani Damring chibimako kabatgipa RCC Bridge No. 14/4 aro Thapa Bazar-ona nangdimeate Chidaret-o Damring chibimako kabatgipa dolongko, a·dokni Chief Minister Conrad K Sangma-ni jakchi oprake on·angaha.
Ia dolongrangko rikna gita Meghalaya Integrated Transport Project (MITP)-ni ning·o World Bank-ni gita tangka paisarangko dakchake on·aha.
Ia dolong damgniko oprake on·anganio a·dokni Chief Minister, jinmana aganprakatengon, ia dolongrangko rike on·anichi ru·utbea bilsirangna jolo songdongenggipa manderangni re·ruraanirango chagrongna nangenggipa neng·nikanirangko namatna man·gnok ine parakataha.
Ia dolongrangko oprake on·anganio Meghalaya Legislative Assembly-ni Deputy Speaker Timothy D Shira, a·dokni PHE Minister Marcuise N Marak, MLA-rang aro dingtang dingtang official-rangba dongpae bak ra·angtokaha.