SHILLONG: National People’s Party (NPP), gipin party-ni MLA ba dilgiparangko tangkachi breenga ine matnangako kakket ong·ja ine jechakaha. Party-o manderang batrikrikenganiara dilgiparangko tangkachi bree okamani gimin ong·ja indiba legislator-rang an·tangtangan constituency-tangna namroro-silroroaniko ra·bana party-ona re·baenga ine aganaha.
“Chingan sorkariko rikgipa ong·a, maini gimin chinga MLA-rangko tangkachi bregen? Chinga mai namgni donga? ine NPP-ni koborna ku·wattimgipa HM Shangpliang aganaha.
NPP, rongtalgipa party ong·a aro a·dokni manderangni namgnina dangdike on·gipa ong·a, re·baenggipa bilsi 2028-oba changasatai chingan majority-ko man·gen aro sorkariko riktaigen.
Congress-ni saksamangmang legislator donggipa Ronnie V Lyngdoh-ni NPP-o napangani gimin Congress NPP-ko central development fund ba ma·mongni developmentna tangka watgiparangko MLA-rangko brena jakkalenga ine matnangani gimin NPP, jechakaha.
Congress-ni matnangako kakket ong·ja ine jechake, Shangpliang indine aganaha, “Ma·mongni watgipa tangkarangko skatang altue jakkalna man·genchimode iako uamangan talate on·china, haida Congress-an skango iandakgipa kamrangko ka·en u·igiparang ong·akon.”
NPP, legislator-rangko tangka mesoke okamna nangja, maina chingan bilo donge sorkariko rikgipa ong·a. Jemangan chingona re·baenga uamang, an·tangtangni constituency-o development-ko nangnika uni giminsa bakrimenga, chinga uamangko kusi ong·en rimchaksoaha.
NPP, a·dokni manderangna namgnina kamrangko ka·enga, iarangko manderangba nika, uni gimin party-ko namnika. NPP-ni dilenggipa sorkari, ramarangko tarie on·enga. Infrastructure-rangko rikenga.
Iarangni gisepon manderangni seoka man·gipa MLA-rang manderangna dangdike on·na nanga, ine Shangpliang aganaha.
