Shillong: Shillong Science Centre (SSC), PULSE (Promoting Understanding and Learning in Science Education) program-ni gita August 18 tarikoni 23 tarikona 2-gipa National Space Day-ko maniangaha. Meghalaya sorkarini dakchakanio ong·atgipa programo poraienggipa student-rangna science-ni gimin skianiko on·angaha.
Ge 3 school-rang- Syndong Secondary Karhadem, Kynjoin Umran Presbyterian Upper Primary, aro Ka Phan Nonglait Memorial—school-ni sak 96 stduent-rang interative session aro practical workshop-o bakko ra·angaha. Programo dingtang dingtang topic-rang jekai- solar system, sal-ni kam ka·ani bewal, auroras, aro a·gilsak-jajong-ni bidingo skie on·angaha. Unbaksana India-i space-ni a·bao chu·sokanirangkoba talate on·aha. Mongsongbate Chandrayaan-3-ni chu·sokani gimin bi·sarangna talate on·aha.
Chatro-chatrirang- Orbiter, Vikram Lander, aro Pragyan Rover-rangni gimin skie ra·aha. Iarangni gisepon ISRO-ni gital gital mission-rangni giminba jekai 2028-o parakatnasienggipa mission-rangni giminba agane on·aha. Unbaksana Physics, Chemistry, Biology, AI, Robotics ba uandakgiparangni bidingo skie on·aha.
Antigimikna ong·atgipa programko August 23 tariko Space Day-ko maniani salo matchotataha.
