SHILLONG: Sukrobar salo dingtangmanchagipa programme-rnag baksa World Fisheries Day-ko Fisheries department maniangaha, maniangao na·tokko jile cha·ani, janggi tanganiko tang·doatani aro ecological ripinganio gamchataniko kan·dike agan-talatangaha. Ia programme-ko ong·atanichi a·dok gimikni na·tok jile cha·giparang, official-rang aro badingchiwalrangko apsan ong·atna ra·baaha.
Programme-o Fisheries Minister Timothy D Shira monsonggipa sokgipa ong·e ku·pattiangaha. Meghalaya-ni na·tok jile cha·ani a·ba dal·roroenganiko aro chiring chibisikrangko chel·chakangani namen gamchatgipa ong·ani gimin Minister agan-talatangaha. Aquaculture-ko janggi tangani chol dake chadamberangni gisepgriko ra·angani batrikrikenganina ua de·mittele aganangaha aro rural entrepreneurship-na a·dokni nikjumangsoani baksa bakrimatna namgipa re·chakatani dake iako talatangaha.
Songadamrango janggi tanggiparangni socio economic-ko na·tok jile cha·anichi ning·tue nangdimataha ine Minsiter na·tok jile cha·aniko ripingan baksa kragipa namroroatna nangengako aganangaha.
Scientific aquaculture-ko tang·doatna, hatcheries-ko a·bachengatna, na·tok jile cha·enggiaprangna capacity-ko rikangna aro community-ni nirokenggipa na·tok jilaniko bilakdapataniko man·chape Fisheries department-ni ning·o sorkarini ja·ku de·enganiko ua kan·dike talataha.
Na·tok jile cha·enggipani man·gniko bariatna aro na·tokoni dingtang dingtang rokomrangona tarigipa bosturangko bang·bate ong·katatna Pradhan Mantri Matsya Sampada Yojana (PMMSY)-ni ning·o a·dok sorkarini on·kanggipa ong·a ine ua aganaha.
Meghalaya a·doko ong·telaigipa gamjinrang donga, tangkamgipa chiring chibisikrnag, chichimkamaigipa biaprang, a·brirangoni chiringrang aro namgipa salkarirang na·tok jile cha·aniko apbalbatatna namgipa cholko on·a ine Minister agandapangaha.
Rika cho·aniko namroroanitanichi, training-ko on·angachiani aro technological innovation-ko dakani na·tok jile cha·enggiparangko dakchakangkuna sorkarini on·kanggipa ong·a ine ua talatangaha.
Harish Chandra Chaudhary, Principal Secretary Fisheries Department, Director aro Joint Director of Fisheries Department-mangba dongpaaha. india sorkarioni bilake dakchakan baksana Fisheries department aro Chief Minister Shri Conrad K Sangma-ni dilani nning·o bang·a namgipa kamrangko ong·katatenga ine The Principal Secretary aganangaha.
