SHILLONG: Ri Bhoi a·jani Umroi jolo donggipa Nonglum-o Care For India (CFI) Centre-ko Sonibar salo, a·dokni Chief Minister Conrad K Sangma, nokdonggae on·angaha.
Ia CFI Centre-ko nokdonggae on·anganio a·dokni Chief Minister, jinmana aganprakangengon, ia CFI, nursing college-ni ning·o Meghalaya a·dokni chadamberangnasan ong·aigija, salgro salaram jol gimikni chadamberangnan a·gilsakni seng·aniko on·enga ine parakataha.
Ia institute-ni ning·o, CFI baksa bakrime a·dok sorkari, foreign language training-ko a·bachengatna miksongenga ineba Chief Minister parakataha.
Chadamberang, gipin a·songrango kamrangko ka·na cholrangko man·china aro an·tangtangni nokdangrangna dakchakanirangko on·na man·na gita ia training program-ko a·bachengatna sorkari miksongenga ineba ua aganaha.
Nursing aro sanna banani kamrang, chadamberangna namgipa cholrangko on·enga aro ian salgro salaram jolrangna bang·en namgnirangko ra·bagen ineba Chief Minister parakataha.
Iandakgipa cholrangko salgro salaram jolni chadamberangna on·engani gimin ua dingtangmancha CFI-koba mittelpilangaha.
