PHULBARI: Bristish-ni Garo Hills-ona napbaaniko champengsoe ba dakgrikchaksoe 1872 bilsio a·doktang-chigatangna janggi on·chakgipa A·chik Matgrik, jekon name niksengjachim, ua matgrikko Phulbari legislator, Abu Taher Mondal Butbaro gisik ra·e mandera·aniko dakdilangaha.
British sipairangni Garo Hills-ona napdramitingo warachaksogipa A·chik Matgrik Akella A Sangma, Phulbari-oni km 30 mang chel·aogipa Rondupara songo, 1831 bilsio Lt Sokre A’gitok Sangma aro Lt Bolsin Marak-ni nokdango atchiaha. Indake uni siani salko aro uni Matrgrik ong·e British-ko ka·donge warachaksoaniko Rondupara songni manderang bilsiantian November 26 tariko gisik ra·e manironga.
Akella Sangma, uni song Rondupara, Meghalaya-ona 1872 bilsi jolo British sipairangni napdrabamitingo ua songni adita uni ripengrang baksa warachaksoachim.
Indake 1872 bilsio, British sipairangni Rondupara songona napdrabamitingo, Akella Sangma, uni ripengrang baksa warachakdilsoahachim. Indake aganani gitade uni dol, changsanon dojenbri British sipairangko so·otahachim.
Indake bon·kamao uko rim·enba Misi Bazaar (da·o Tikrikilla)-ona ra·angaha, jeon uko doke-sate saknaataha. Uko sasti on·e saknaatgipa biapko, Sangmana mandera·aniko on·na gita jolni manderang Kella Bazaar ine mingachim, jekon ja·mano Tikrikilla ine mingjitaha.
Joltangni MLA AT Mondal, A·chik Matgrikko mandera·aniko dakaniona re·angenba mandera·aniko dakdileaha, je matgrikni giminan ku·rang on·ani aro sea-jotanirang dongjani gimin mingsingani komiaha.
Sangma-ni manggisiko songon gopaha, je biapon uko gisik ra·na gita skul ge·sako kuliaha, uanon Sangmana bibalrangchi mandera·aniko dakangaha.
A·chik Matgrik Akella A Sangma-na AT Mondal mandera·aniko dakdila
Date:
Share post:
