JOWAI: Ohiwot Laloo, jean West Jaintia Hills-oni a·gipi skul skigipa aro chadamberangko gisiko nange didigipa mejamangmang Lucknow-o Bharat Scouts and Guides (BSG)-ni gamchatgipa Silver Star Award-ko man·aha, ine Sonibar salo official-rang aganangaha.
Laloo, dingtangmanchagipa scout and guide-na on·kange kam ka·angkuanina me·asa (Scouts) section-oni mande ra·ako man·a district-oni skanggipa BSG member ong·enga.
1979 bilsionin scout baksa bakrimenga, Laloo skigipa ong·e nambatanina, scoutmaster aro first-aid professional-na Indian Red Cross Society aro St. John Ambulance India-ni gita aditan apale mande ra·ako man·angha.
Ua da·o BSG-o district commissioner (Scouts) aro state commissioner (Headquarter_ ong·e mongsonggipa gadango ong·enga uarangna agreba West Jaintia Hills-ni Indian Red Cross Society-ni district secretary ong·e dangdike on·enga.
Ru·uta chasongrangonin Laloo, dingtang dingtang dakgiparango mingsingako man·angaha, jekai Medal of Merit, Long Service Medallion aro District Teacher Award-koba man·aha.
District-o scout-ko dilenganio bilakdapatna ua saksa jakkaltogipa ostro ong·enga, program-rangko a·bachengataha jekai Jowai jilao Open Unit, skanggipa changna Meghalaya Bharat Scouts and Guides Sports Meet aro district-ni scouts and guides-na annual winter camps-ko ong·ataha.
Uni skangoni a·songna, a·dokna aro district gadangrangna on·gilbaenganichi Silver Star Award jean a·songo chu·batgipa garangoni ge·sa ong·a uko man·aha, ine uamang aganaha.
Laloo, district-ni songadamgipa songo skul napbagipa ong·e namgipa dakmesokaniko chadamberangna didiani gita on·angaha.
