SHILLONG: Aizawl-onaba railway sokangaha aro undake gipin a·dokni skotongrang jekai Kohima aro Imphal-ona railway ramako tariangengaha, Byrnihat-ona railway ramako tarina Meghalaya-ni frontier da·o bilsi 8 gapengaha indiba tarinan man·kujaenga.
Sonibar salo NFR-oni indake aganangaha, project-ko da·onaba tarina man·kujaenga aro da·ona maming namroroani dongjaenga aro pressure group-rangoni jegalani a·sel railway rama Shillong-ona tarina NFR da·o maming chanchianirangkon dakjaengaha.
Tetelia-Byrnihat railway project-ko 2017 bilsioni Meghalaya-o student body aro gipin pressure group-rangoni raken jegalani a·sel dondipaha jeon uamang gipin a·dokrangoni niamgri napdrabana kene ra·bana on·jaenga.
Jedakgipa railway ramako ra·bana skang Inner Line Permit-ko on·chenge bilakgipa mechanism-ko donna nanggen ine ia group-rang dabiangaha.
Meghalaya a·doko Tetelia-Byrnihat railway rama km 2.5-ni gita ga·akenga.
Tetelia-Byrnihat project, Assam-o ga·akgipa bakrangde matchotengaha, da·o dipet NFR mamingkon chanchikuja, iara Assam-onasan rel garirangko chalaianggenma.
Ia bilsi gimiko, Meghalaya a·doko railway-ko ra·bana on·china mol·molna badingchiwalgiparang baksa uamang bilake nakrimangaha aro iako ia bilsio mangmangsan kam ka·aiaha jensalo a·dok sorkari railway-ko ra·bana agangrikna committee-ko songaha indiba committee mamingkon dakangjaha.
