Tikitna dorgasto galgiparangko parakna jechaka
SHILLONG: Re·baenggipa 2026 bilsini a·bachengachibara ong·atna sienggipa Garo Hills Autonomous District Council (GHADC) election-o United Democratic Party (UDP)-ba susana tik ka·angaha.
Mingsingkalgipa dilgiparangoni ba da·o ong·enggipa MDC-rangoni party tikitna dorgasto galgiparang dongama dongja, iani giminde UDP-ni dilgiparang parakna gita jechakskaaha.
UDP-ni general secretary Titosstarwell Chyne-ni aganani gitade, GHADC election-o susana tarisamsoanirangko da·o dipet uamang parakna gita nangnikkujaenga.
“Garo Hills-o UDP-ni politics-ni bidingo da·o dipet chinga mamingkoba parakna man·kujawa aro party tikitna dorgasto galgiparang dongama dongkuja, iani giminba anga mamingkoba aganna man·kujawa,” ine Chyne, kobor ra·timgiparangna parakataha.
GHADC election-na skang, constituency damprakni bidingo koborrangko ra·na, aro Garo Hills-ni dingtang dingtang dilgiparang baksa agangrikna gita UDP-ni special committee-ko songaha ineba Chyne parakataha.
“GHADC election-o UDP-ni cholrangko ma·sie ra·na aro tarisamsoanirangko nina gita ia special committee-ni chanchirimanirangko nangchongmotenga,” ine ua aganaha.
GHADC election-o UDP, candidate-rangko susaattelgen ineba UDP-ni general secretary parakataha.
“Special committee-ko dilenggipa chingni manderang, chingna report-ko on·ahaon chinga UDP-ni cholrangko nambate ma·sina man·gen,” ine Chyne aganaha.
