TURA: South Tura constituency-ni ning·o songdongenggipa manderangni nangani aro neng·nikanirangko ma·sie ra·na gita Sonibar salo, a·dokni Chief Minister aro South Tura constituency-ni MLA Conrad K Sangma, Walbakgre aro Fancy Valley gittimrango MLA Connect program-ko ong·atangaha.
Skanggipao ia MLA Connect program-ko Walbakgre-o ong·atangaha, jeon a·dokni Chief Minister aro South Tura-ni MLA, ia jolo songdongenggipa manderangni dingtang dingtang nanganirang aro neng·nikanirangko knatime ra·angenba, uamangni nanganirangko chu·sokatna aro neng·nikanirangko namatna gita ku·rachakaniko on·angaha.
Iani ja·man, apsan daken South Tura constituency-ni ning·o donggipa Fancy Valley gittimoba, ia MLA Connect program-ko ong·ate, jolo songdongenggipa manderangni nangani aro neng·nikanirangko a·dokni Chief Minister aro joltangni MLA knatime ra·angaha.
Jolo songdongenggipa manderangni nanganirangko chu·sokatna aro neng·nikanirangko namatna ku·rachakaniko on·angengon, South Tura constituency-o namroro silroroatanio pilakkon bakrime kam ka·china gita Sangma didiangaha.
