SHILLONG: A·doko ILP-ko ra·gatna, Eight Schedule-o Khasi aro Garo ku·sikko napatna dabianirang chu·sokgija dongengon Indian Administrative Services-na dingtang Meghalaya cadre-ko on·china dabianiba chu·sokgija dongenga. Uni gimin MDA sorkario bakrimgipa HSPDP, a·dok sorkariko ia mamlarangni bidingo ma·mong sorkari baksa agangrikna mol·molaha.
Batanggimin bilsi 2019-onin a·dokna, Indian Administrative Services-ni Meghalaya cadre-ko bikotchina dabienga indiba da·onan maming kobor dongkujaenga. Ma·mong sorkari mamingkon aganchakgija donchipenga. Jekai ILP aro Eight Schedule-ko Khasi Garo ku·sikrangko napatna dabianina jrip donga ugitan cadre-naba mamingkon aganchakjaenga.
Indake ong·engon HSPDP-ni President KP Pangiang, kobor ra·timgiparang baksa agangrikmitingo, “party, ia dabianirangna bilake chadenga, mikkangchiba Meghalaya-na dintangmancha cadre-ko on·china dabiangkugen, maina ian Meghalaya-ni chadamberangna jemangan IAS, IPS officer-na miksonganirang donga, uamagnna dal·bea namgniko ra·bagen’ ine aganaha.
Iarangni gisepon ia mamlako ma·mongona ra·angani gimin Chief Minister-ko mittelangaha. Aro mikkangchi a·dok sorkariko ia mamlako bilakbate ma·mong baksa agangrikchina mol·molangaha. Da·o dipet Assam aro Meghalaya, joint cadre-ko sualgrika.
Meghalaya-na dingtang IAS cadre-na dabianio ma·mong jrip dongenga
Date:
Share post:
