TURA: Garo National Council (GNC)-ni tom·bimonganiko Sonibaro Tura-o ong·atanga. Tom·aniko Garo Hills Autonomous District Council (GHADC)-ni Deputy CEM ong·enggipa aro GNC-ni Vice-President Nikman Ch Marak dilangenba GNC party mikkangchi MDC-rangna A·chik a·song gimikon maikai namgipa krongko tarina mangen, GNC dolni dilgipa gitcham Pa Clifford R. Marak-ni siani salko manina re·baengipa bilsio manianggen aro Garo National Council (GNC)-ni dal·begipa tom·bimonganiko Simsangre chijolo ong·atangna chanchirimangaha.
Party-ko dingtang dingtang gadango dilna gita dilgiparangkoba seokangaha. Re·baenggipa 2026 bilsio ong·atna am·enggipa Garo Hills Autonmous District Council (GHADC) election-o GNC-ni candidate ong·e susanagipa canditade-rangara, Lampard Chibasal R Marak-Williamnagar Constituency, Jakrak A Sangma-Amongpara Constituency, Geobar Salgrik B Marak-Asanang Constituency, Augustine R Marak-Silki Constituency aro Nikman Ch Marak-Rongrikimgre constituency ong·a.
Uandake GHADC-o GNC candidate susanagiparang an·tangtangni miksongenganiko jinmana parakangaon jatna aro a·songna dangdike on·na aganangaha.
