Tura: Chang 5-gipa Me’gong Festival 2025-ko Chief Minsiter Conrad Sangma-ni dongpanio a·bachengataha, festival-o Garo Hills-ni dingtang dingtang bakrangoni bang·a manderang sokako ka·dongenga.
Opening ba programko a·bachengataon Aski Stage-o niksenggipa musical showcase-ko nikna man·aha. Pop-rock legend Richard Marx, ‘Wherever you go, I’ll be your man, Don’t you know, End of Summer, Magic Hour gitrangko ring·angaha. Indake Richard Marx, Me’gong festival- o bak ra·na cholko man·anina kusi ong·ako parakaha.
Uni ja·man Neeti Mohan git ring·angskaha. Festival-o bak ra·giparang Bollywood-ni gitrang- Ishq Wala Love, Jiya Re, Tu hain toh, London Thumakda, aro gipinrangko ring·e an·sengangaha.
“Anga mainaba ia biapona skangonin re·bajaha, na·simang nitobegipa a·gilsako dongenga’ ine Neeti aganaha. Indake Neeti, Assam-ni niksenggipa singer Zubeen Garg sagiko mande ra·aha.
Uni ja·man joljol Nucleya’s explosive stage-o git ring·skaha.
Meghalaya-ni artist-rangba global icon-rang baksa stage-o ga·subee gitrangko ring·angaha. Haystack Ladies, Strum Stories aro Ahaia joltangni gitrangko ring·e manderangko an·soataha.
Minggipin Chief Minister’s Meghalaya Grassroots Music Project (CM-MGMP)-ni top 7 finalist-rangni ga·subee bakko ra·angaha.
CM-MGMP Bands – Nictophilia, Magneficient Obsession, Necroscope, Emberfall, Imphaled, Misagathia and Rise&Shine bakko ra·angaha.
Festival-o chrok-mesaa aro gitrangko ring·ana agreba jolni cha·ani-ringanirangko man·e festival-ko an·saobatataha. Great Garo Hills Cook Off, Nambie Jessical Marak, jean Master Chef India Season 8-o runner-up ong·aha, ua mongsonggipa sokgipa ong·e bakko ra·angaha.
Jessica Nambie Marak, festival-o bak ra·na cholko man·e kusi ong·ako parakaha.
Me’gong festival 2025-o festival-ko nina re·bagiparang jatni daka-rika bewalrangko, cha·ani-ringanirangko nika baksana uamangna traditional sports ba kal·susanirang jekai- Anding Oka aro gipinrangko jotton ka·e nina cholrangko donaha.
Dokanrango cha·ani, jakchi tarigipa sika-koa, wata-chenga ba uandakgipa handicraft, ice-cream, ringanirangko donaha.
