SHILLONG: Garo Hills-o niam retirangko nambate rakkina aro nirok sandina man·na gita police outpost damgniko kulidapaha ine sorkari u·iataha.
Home (Police) Department-oni u·iatani gitade, ia police outpost damgnioni damsade South West Garo Hills a·jani Zikzak Police Outpost aro West Garo Hills a·jani Raksamgre Police Outpost ong·a.
Zikzak Police Outpost-ni simarangko u·iatengon, salgrochipak Ampati Police Station, saliramchipak Mahendraganj Police Station, salaramchipak Salmanpara Police Station aro salgipengchipak Purakhasia Outpost ong·gen ine Home Department parakataha.
Raksamgre Police Outpost-ni simarangko u·iatskaengon, salgrochipak Tikrikilla Police Station aro Pedaldoba Outpost, salaramchipak Pedaldoba Outpost (West Garo Hills) aro Bajengdoba Police Station (North Garo Hills), salgipengchipak Damal Asim Police Station aro Tikrikilla Police Station, saliramchipakba Tikrikilla Police Station ong·enga ine Home (Police) Department-oni parakataha.
