SHILLONG: Ri Bhoi a·jao 2025-2026 bilsina, Pahamsyiem Eklavya Model Residential School (EMRS)-ni academic session-ko Bristibar salo, a·dokni Chief Minister Conrad K Sangma a·bachengate on·angaha aro ia tom·anio, a·dokni Education Minister Lahkmen Rymbui, Sports & Youth Affairs Minister Wailadmiki Shylla, C&RD Minister Sosthenes Sohtun, Nongpoh-ni MLA Mayralborn Syiem, skulni skigiparang, chatro chatrirang aro jolo songdongenggipa manderangba bak ra·angtokaha.
Ia Pahamsyiem EMRS-ni academic session-ko a·bachengate on·anganio a·dokni Chief Minister, tom·anio bak ra·giparangna aganprakangengon, ia skulo namgipa lekka porako on·anichi ian Ri Bhoi a·jani Tribal chatro chatrirangna bang·en namgniko ra·bagen ine an·tangni ka·dongchakenganiko parakangaha.
Pahamsyiem EMRS-ni academic session-ko a·bachengate on·na man·ahani gimin an·tangni kusi ong·aniko parakangengon, ia skulko kulina gita dakchakanirangko on·ahani gimin ua, Tribal Affairs Ministry, a·songni Prime Minister aro Tribal Affairs Minister-koba mittelpilangaha.
EMRS program-ni bidingo talataniko on·angengon, ia skulo poraina sikgipa chatro chatrirang bang·genchimoba pilakande cholrangko man·pajaenga ine ia skulo poraina admission man·gipa chatro chatrirangko gisik nange poraichina gita Chief Minister ku·pattiangaha.
Ia skulna doka dam·ani aro gama ge·a bosturangko on·na gitaba ia program-o a·dokni Chief Minister, chatro chatrirangna ku·rachakaniko on·angaha.
Ia tom·anio a·dokni Education Minister Lahkmen Rymbui-ba jinmana aganprakengon, ia skulo skie on·enggipa manderangko gisiko nange skie on·china aro chatro chatrirangkoba bimchipe poraichina agan-ku·pattianirangko on·angaha.
Ri Bhoi a·jao Pahamsyiem EMRS-ni academic session-ko a·bachengata
Date:
Share post:
