TURA: Tura-ni Danakgre A·kingo donggipa a·arangko a·dok sorkari, a·kangdrana jotton ka·enga ine Tura-ni MDC aro BJP-ni state vice president Bernard N Marak parakatenba, ia a·ani lekkarangko Tura GHADC constituency-ni ning·o donggipa dingtang dingtang gittimni manderangna sualaniko dontongchina dabiangaha.
Iani bidingo West Garo Hills a·jani Deputy Commissioner-na badi ka·e sedoatengon, “Tura GHADC constituency-ni ning·o donggipa dam 20 gittimni a·arangni bidingo talataniko on·china aro lekkani sakkirangko mesokchina Revenue office-na u·iatahaoba da·alonan aganchakaniko on·chipkuja. Ia a·arangko a·dok sorkari maming saloba ra·a dongkuja indiba ‘para’ dakesa jakkalchengna tik ka·e, GHADC-na Land Revenue-ni gamna aro Nokmarangna Awil Fee-rangko gamna ku·rachakaha. Ia niamrangko ja·rikjahani giminan 1977-78 bilsirango PA Sangma sagi, Nokmarangni pal ku·rangko on·na nangaha aro uni ja·mansa a·a parani tangkarangko gamaha aro Nokmarangna a·arangko on·pilaha,” ine Marak parakataha.
Ia a·arangara, Sixth Schedule-ni ning·o GHADC-o ga·akgipa biaprangsa ong·a ine janapatengon, ia a·arangko brechenggija a·ani lekkarangko manderangna on·aniara aro niamko ja·rikgijaniara Nokmarangna on·gimin a·ani bilrangko pe·ani ong·gen ine Tura MDC mikrakataniko on·angaha.
Danakgre A·kingo land settlement dakaniko jegale A·king Nokma, High Court-o badi ka·manahani gimin ian kacharini jakosa ong·enga ine janapatskaengon, ia a·kingo niam gri dakaniko dontongchina gita Marak, a·dok sorkariko didiataha.
Danakgre A·kingni a·arangko sorkari kangdraenga ine Bernard matnanga
Date:
Share post:
