SHILLONG: A·songni skotong New Delhi songjinmaona re·angenggipa a·dokni manderangko nambate sokachakna man·na gita Sombar salo, New Delhi-ni 9, Dr APJ Abdul Kalam Road-o gital Meghalaya House Annexe-ko rikna, a·dokni Chief Minister Conrad K Sangma-ni jakchi, pangchakaniko songe on·angaha aro ia pangchakaniko songanio, a·dokni Deputy Chief Minister Prestone Tynsong, General Administration Department (GAD) Minister Sosthenes Sohtun aro dingtang dingtang official-rangba dongpae bak ra·angaha.
Ia gital complex-ko bakgni dake rikgen aro skanggipa bakode, ge 24 guest room-rang baksana meeting hall-ko gong kror 22 korosrangchi rikgen. Ia rikdapenggipa Meghalaya House-ko 1971 bilsio rikchenggipa gitcham Meghalaya House complex-on rikna sienga.
Ia gital Meghalaya House Complex-na pangchakaniko songe on·anganio a·dokni Chief Minister, jinmana aganprakangengon, New Delhi-ona re·angenggipa a·dokni manderangna dongtoaniko on·na aro nambate nokchakna miksonge rikenga ine parakataha. Ia gital kuturirangko rikdapanichi, dingtang dingtang kamrang, jekai official meeting, kamni porikka, interview, sanna banna aro uandakgipa kamrangna New Delhi-ona re·angenggipa a·dokni manderangna dongchakaniko on·na man·gnok ineba Chief Minister aganaha.
Ia gital Meghalaya House-ko gital chasongni gital cholrangchi name rikchina gita official-rangko ge·etangengon, “Ia gital nokko rikanichi a·dokni manderangna nambate dangdike on·na man·gen,” ine Sangma, an·tangni ka·dongchakenganiko parakataha.
New Delhi-ona re·angengon, ia Meghalaya House-kon a·dokni manderang dongchakna gita seokchina ine janapatengon, “Ia gital noko rikenggipa dam 22 guest room-rangko matchotahaode, Meghalaya a·dokni manderangna dongchakaniko on·na man·gnok. Ia gital nokko somoi gitan matchotna anga ka·dongenga,” ine Chief Minister aganaha.
Ia gital Meghalaya House, a·doko songdongenggipa manderangni daka rikanirangko mesokgipa ong·china ineba Sangma aganaha.
Nokrangko rike on·an baksana kam ka·giparangni daitorangkoba namdapatna nangengani gimin janapatengon, “Gital nokrangko rike on·mangmangaiachide an·chingna chu·ongjawa maina kam ka·giparangni name dangdike on·anikoba nanga. Skanggipa changna Delhi-ona re·angenggipa a·dokni manderangko ka·dingsmite rimchaksoanichiba uamangni Meghalaya House-o dongengmiting somoio dingtanganiko ra·bana man·gen,” ine Chief Minister aganaha.
