TURA: Meghalaya a·dokni skanggipa State University, chong·motan Captain Williamson Sangma State University (CWSSU)-o kam ka·kamnagipa skigiparangko aro gipin staff-rangko kamo ra·anio somoi ra·dugaenganina A·chik Conscious Holistically Integrated Krima (ACHIK) dol, suk ong·gijaniko parakatenba, ia university-na kam ka·giparangko ra·anio State Reservation Policy (SRP)-ko ja·rikchina a·dok sorkariko didiataha.
University-rango adhoc aro temporary staff-rangko rakkianiara, lekka porako on·anio, university-ko chalaianio aro joltangni candidate-rangna cholrangko on·anio nangchakeaniko man·ronga ine janapatengon, interview-rangko ra·gija, university-ni dal·dalgipa kamrango rakkijachina aro advertisement on·chenggija darangkoba maming kamrangon rakkijachina gita ACHIK dabiangaha.
CWSSU-o kam ka·kamnagipa skigiparangko aro gipin kam ka·giparangko a·dokni Job Reservation Policy-o pangchake ta·raken ra·china gitaba ACHIK dabiangaha.
University-o temporary staff-rangko maming porikka gri ra·aniara, a·doko songdongenggipa manderangna, kamrangko ka·e cha·na on·gimin bilko pe·ani gitaba ong·a ineba ACHIK parakataha.
SRP gita State University-o kam ka·giparangko ra·china ACHIK dabia
Date:
Share post:
