SHILLONG: Gue cha·una gita India a·songona niam gri re·napbagipa mande sakgniko adita salrangna skang, Khasi songni manderang goa ine Bangladesh media-ni matnanganiko Border Security Force (BSF) Meghalaya Frontier jegalataha.
“Ia manderangko Bangladesh a·songni gipin dolrangan bobil dakgrike goenggen maina ia manderangko goanio Khasi songni manderang goa ine maming sakkirangan dongja,” ine BSF official parakataha.
BSF official-ni aganani gitade, Bangladesh a·songo so·sojengjeng ong·engani giminan BSF sipairang, mikrakbee kamrangko ka·enga aro simarangkoba da·o chipe donattokaha.
Meghalaya aro Bangladesh a·songni gisepo, km 443 simarang donga ine nikna man·a.
“Ia a·selni bidingo chinga songni manderang baksa agangrikaha aro songni manderang goa ine maming sakkirangko man·jaha. Ian Bangladesh a·songo dolsa dolgipinni kosako chakatani a·selsa ong·engnaba gnang,” ine BSF official aganaha.
Re·anggipa December-ni 19 tariko, Bangladesh a·songni Sylhet baksa nangchapgipa Meghalaya a·dokni simao, Bangladesh a·songni mande sakgniko, Khasi songni manderang goe so·otaha ine Bangladesh a·songni media-rango parakahachim ine nikna man·a.
Bangladesh a·songo media-rangni parakani ja·man BSF dolni gita sandirokaha indiba ia manderangko Khasi songni manderang goa ine maming sakkirangko man·jaha ine BSF official parakatskaaha.
Gue cha·una napsrukbamiting so·ota man·gipa manderangara, bilsi 19 ong·gipa Mohammad Ashiqur Rahman aro bilsi 22 ong·gipa Mosaid Ali ong·a aro uamang sakgnian, Damdama simani sambao donggipa Purbo Turung songoni ong·achim.
