TURA: Ja·manchake koborko man·soani gitade, re·anggipa December 17 tarikoni 19 tarikona, Central Agricultural University (Imphal)-ni ning·o donggipa Tura College of Community Science (CCS)-ni Food Science & Nutrition Department, Nutrition Education-ni bidingo salgittamna training program-ko ong·atangaha.
Ia training program-ko ong·atna gita North Garo Hills District Administration, Meghalaya State Rural Livelihoods Society (MSRLS), Meghalaya Early Childhood Development Mission (MECDM), aro Government Innovation Lab (SCEP), tangka paisarangko dakchake on·aha.
Ia training program-ko ong·atanio, Dr. Ch. Basanti Devi, Dr. Ph. Vivekanandini Devi, Dr. Urvashi Sharma, and Dr. Bijaya Laxmi Sahu (Senior Scientist, AICRP)-ni dilanichi, joltango man·gipa cha·anirangko be·enna namgni ong·e tarina gita practical session-rangko ong·ate, ia program-o bak ra·giparangna skie on·angaha.
Ia training program-ko Tura CCS-ni ning·o donggipa Food Science & Nutrition Department-ni Head aro Professor Dr Namita Singh dakdilaha aro Tura CCS-ni Dean Dr Jyoti V Vastrad, dakchake on·aha.
Ia training program-ko ong·atanio, North Garo Hills a·jani Resubelpara, Bajengdoba aro Kharkutta block-ni Community Gender Health Activist (CGHA)-rang bak ra·e skie ra·angaha.
