SHILLONG: Meghalaya a·dokni batanggimin bilsi 53-na janggi tanganiko gimagimin somoi ine United Democratic Party (UDP)-ni gitcham general secretary Jemino Mawthoh parakatenba, ia gital 2026 bilsio ia gimagimin somoirangko man·pilna gita rakbate kamrangko ka·na nanggen ine aganaha.
Ia gital bilsina an·tangni namgipa skanirangko a·dokni manderangna on·atengon, Meghalaya a·doko nambate sorkariko chalaina aro manderangna namgni ong·gipa namroro silroroaniko ra·bana gita da·o re·baenggipa bilsi chikkingko nambate a·bachengna pilakan apsan bakrimna nanggen ine Mawthoh aganaha.
A·dokni dingtang dingtang kamrango, mongsongbate lekka pora aro dam komigipa sanna bananirangko kangal cholgrirangna on·na man·na gita kamrangko namdapatna nangenga ineba ua aganaha.
Chadamberangni chagrongna nangengenggipa neng·nikanirangko janapatengon, chadamberangna pangkamgipa janggi tangani cholrangko on·na man·na gita jakni kamrangko skie on·an baksana kamrangko nakatate on·na sorkari gisiko nangbatna nangenga ine Mawthoh aganaha.
Game ge·e cha·giparangni janggi tanganiko nambatatna aro samtangtangko rongtal an·talbate rakkina nangengani giminba UDP-ni gitcham general secretary janapataha.
Civil Service-ni kamrangko ka·na sikenggipa chadamberangna dakchakaniko on·na gita pilak a·jarangon coaching centre-rangko kulichina didiatengon, bijolini kamrangoba a·dok sorkari, a·doktango man·enggipa cholrangon pangchakbatna nangenga ine Mawthoh parakataha.
Kal·susaanio gisik nanggipa manderangna dingtang dingtang man·gnirangko on·e, a·doko kal·susaanirangko namdapatchina aro pilak a·jarangon kal·chakram biaprangko namdapatna nangengani giminba Mawthoh janapataha.
Be·enni gita cholgri ong·gipa manderangnaba pilak kamni a·baon cholrangko on·na gita dingtang dingtang cholrangko dakchake on·china gita Mawthoh didiataha.
2026-o bilsi 53-na gimagimin somoirangko taripilna nanggen: Jemino
Date:
Share post:
