SHILLONG: Prime Minister Narendra Modi-ni a·songni chadamberangna kamrangko bikote on·na ku·chakanio kamrangko ka·anio Sonibar salo Shillong, Umpling BSF Campus-o chang 18-gipa Rozgar Mela-ko ong·atangaon, Border Security Force (BSF), Meghalaya aro Arunachal Pradesh-oni seoka man·gipa sak 155 candidate-rangna appointment letter-rangko suale on·angaha.
BSF Meghalaya-ni Inspector General Shri Om Prakash Upadhyay, tom·anio mongsonggipa sokgipa ong·e bakko ra·angaon appointment letter-ko ra·chakgipa chadamberangna nama sikaniko on·aha aro mikkangchi jatna aro a·songna dangdike on·angchina didiaha.
Sonibar salo a·songni dingtang dingtang bakrango Rozgar Mela-ko ong·atangaha. Shillong-o programko ong·atao Meghalaya aro Arunachal Pradesh-oni seoka man·gipa sak 155 candidate-rangna dingtang dingtang central government ba ma·mong sorkarini department-rango kam ka·na gita appointment letter-ko on·angaha. BSF-76, CRPF- 42, ITBP-20, Assam Rifles- 11 aro gipin department-rangko man·gopa.
Program-o Prime Minister Narendra Modi, virtual gita kamo rakkia man·gipa chadamberang baksa agangrikataha.
