TURA: Re·anggimin January 9 tariko Rajabala Police Station-ni ning·o ga·akgipa Goalgaon jolo a·sel ong·anganio NGO dolni saksa so·ota man·ani ja·man jatgnini gisepo ding·grikani ong·engani gimin ia obostarangko mikangchi a·sel ong·aniko champengsona aro tom·tomaniko ra·bapilna West Garo Hills, District Administration district-ni adita bakrango Bharatiya Nagarik Suraksha Sanhita (BNSS)-ni ning·o Section 163 ko ra·gatanga.
District Magistrate Vibhor Aggarwal ni u·iatani gitade, Rajabala Police Station-ni ning·o Goalgaon jolo a·sel ong·angaoni ja·man West Garo Hills a·jani a·kawe jolrango jatgni manderangni gisepo ma·sisretanirangnichi adita sosojengjeng ong·enganiko champengna dakna man·gijanirangni gimin ge·etaniko on·angengon, dambri Police station-ni ning·o ga·akgipa adita songrango an·tam 6:00 pm bajioni pring 6:00 am bajiona sakbongana bate tom·dakjachina aro gol·dik, rod aro ro·ongrangko ra·bitjachina ge·etaniko on·angaha aro saoba ia ge·etaniko manija ba niam pe·ode Bharatiya Nyaya Sanhita (BNS)-ni Section 223 ni ning·o aro gipin niamrango pangchake raka ja·ku de·aona sokgen ineba District Magistrate mikrakataha.
Dambri police station-rangara, Hallidayganj, Rajabala, Phulbari aro Tura police station ong·a aro ia ge·etanio ga·akgipa dam 37 songrangara, Hallidayganj, Kasharipara, Charkasaripara, Lalmati, Konachar, Sobribari, Kharigaon, Panbari, Tetultulia, Borojhora, Jewali, Bollonggre, Jeldupara, Boldamgre, Guaragre, Nawalgre, Gansenggre, Masangpani, Gudibala, Gomaijhora, Demdema, Belbari, Babilgre, Songjalgre, Shyamding, Chibinang, Kokaimari, Batabari, Mengkakgre, Chandigre, Rongkhon, Takimagre, Old Bhaitbari, Rajpur, Babulgre aro Bamundanga ong·achim.
WGH-ni a·kawe jolni adita bakrango Section 163 BNSS ko ra·atangaha
Date:
Share post:
