TURA: Ong·telaigipa a·selrangna mongsongbate chi bana reanirangona aro ong·telaigipa a·selrangchi duk mikchini salrangona simsaksoaniko dakna Sukrobaro Tikrikilla C&RD Block unbaksa District Disaster Management Officer (DDMO) Office, West Garo Hills, Tura baksa nangrime Tikrikilla Block-o Mock Drill Training program-ko ong·atanga. Ia programme-ko ong·atani a·bachengao ong·telaigipa a·selrangko chagronge nangchongmotengmiting somaio maiko aro maidake dakna nanga uarangni gimin official-rang agan-skie on·ange skie ra·ani bosturangko District Disaster Management Office, Tura-oni Official-rang suale on·ange bak ra·giparangna ong·telaigipa a·selrangko chagrongengmiting somaio dakchengna nanggipani bidingo Civil Defence Department skie on·angskaaha. Indake ia programme-o IAS Retired, Hubert Marak, District Disaster Management Officer, Tura-ni James D Sangma unbaksa dingtang dingtang department-ni Officer-rang Health Department-ni staff-rang aro Tikrikilla Police Station-ni police personnel-rang aro gipinrangba bak ra·angtokaha.
