CoMSO, ISIS-K ni ka·mikkenatgipani bidingo PM, HM aro CM-na sedoata

SHILLONG: Meghalaya Social Organisation-ni dingtang dingtang dolrang Tura-o ISIS-K bobil dol ine an·tangtangko a·kange lekka tape donanggipani bidingo Prime Minister, Union Home Minister aro Chief Minister-na central level-ni gita am·sandianiko dakchina gita mol·molataha.
Iani bidingo joljolan central-ni gita counter-teror aro intelligence agency-rangko aro name dake ning·tue sawa banoni aro maia miksonganio ka·mikkkenataha uko am·sandina nanga ine CoMSO aganaha.
Intelligence-rangko aro chelchakgipa dolrangko da·o gita kenchakna nanggipa biaprango donatchina aro ia indake anti-teror kamrango aro national security niamrangko pe·anio jak donggipa manderangko rim·na nanga baksana ia indake ong·gija dake golmal gondokolrangko ong·atna ba ra·chakna man·gijagipa kamrangko ka·gipa manderangni kosako niamo pangchake maming mikkang nitea gri ja·ku de·na nanga ine dabiangaha.
Ia dolrang, sima arirango nirok-sandiani kamrangkoba nipiltaianiko dakchina; sima ari jolrango songdongenggipa chonbegipa jatrangna naljokaniko on·china dabiangjolaha.
CoMSO-ni aganani gitade, ia obostaan international bobil dolni ine ong·chongmotgipama ba local-ni manderangsa tol·e taridape kenatna kam ka·gipasama, indakoba ian rang·san a·doko songdongenggipa manderangna ka·mikkenatani ong·a, jatsa jatgipinni tom·tome donganiko nosto ka·gipaba ong·a, chonbegipa jatrangni bilko onchepaniba ong·a aro India-ni jakgittele a·songko nirok-sandienganikoba onchepe ra·a ga·aka ine CoMSO aganaha.
Uandake a·gilsak gimikchin ma·sina man·gipa bobil dol ISIS-K-ni bimingko ra·e ia indake ka·mikkenatenganiko chone ra·na gita man·jawa.
“Ia kobor taridape ba kenatna dakgipa ong·genchimoba, ian bobil dolni bimingo ra·e ka·gipa ong·ani gimin a·doko songdonggipa manderangni gisikrango kenaniko, gisikni gita so·so jengjeng ong·aniko aro tom·tom donganiko nosto ka·aonaba sokatna man·gipa ong·a; ian sima arirango name donganiko nosto ka·gipa aro Indian security agency-rangni tarisamsoe donganikoba nia gita chacha gitaba ong·a,” ine CoMSO aganaha.