SHILLONG: Shillong aro Tura-o adasu onchongram biaprangko tarina tender on·aha ine Deputy Chief Minister, Transport in-charge, Sniawbhalang Dhar mejalo aganaha.
Uarangna sorkari a·arang donga aro da·o adasu onchongram biaprangko tariani kamrangko ka·na a·ako on·a kamko ka·engaha, ua aganaha.
Dhar-ni aganani gita, Ma·mongo Ministry, Shillong aro Tura-ni gisepo skanggipa kamrangko a·bachengchina a·dokko aganaha.
“Iako tariaha ong·ode gipin district-rangoba ge·gipin adasu onchongramrangko rikna chinga chanchigen,” Dhar aganaha. Adasurango re·a-doani cholrangko songregiparangna on·a sorkari, New Shillong Township-o aro Tura-o ge·gipinko ge·gni adasu ongchongramrangko rikna nangnikenga.
Da·o Shillong-o sakni gita songregiparang Upper Shillong-o Air Force -ni onchongramko jakkalenga aro Tura-o BSF-ni a·ako adasu service-rangna jakkalenga.
Ia kamrangko matchotahaode ta·rake sokna nanggipa songregiparangna namen namgni ong·gnok aro re·a-doanirango olgrokgnok, ua aganaha.
Shillong-Tura-o adasu onchongramko biapko tarina tender on·jok: Dy CM
Date:
Share post:
