DADENGGRE: Bilsi sokkugijagipa bi·sarangko bia ka·atanirang batroroengani gimin bi·sarangna namgipa janggi tangani cholrangko on·na miksonganio 100 Day District-Wise Action Plan-ni bak gita dingtangmancha awareness program-ko re·anggipa Bristibar salo, West Garo Hills a·jani Batabari C&RD Block ning·o donggipa Shikandi songo ong·atangaha.
Ia awareness program-ko Meghalaya State Legal Services Authority (MSLSA)-ni dakchakanichi ong·ataha aro ia program-ko NALSA ASHA Standard Operating Procedure (SOP) aro Bal Vivah Mukt Bharat Campaign-ni ning·o December 4 tarikoni March 8 tarikona dingtang dingtang biaprango ong·atenga.
West Garo Hills a·jani a·kawe jolrango bi·sarangko bia ka·atanirang batengani gimin ia jolrango songdongenggipa manderangna bilsi sokkugijagipa bi·sarangko bia ka·atanichi mai dakgipa nangchakeanirangko ra·bana man·a, uarangni bidingo talatanirangko on·na gita ia program-ko Batabari Block-ni Shikandi songo ong·atangaha.
Ia awareness program-ko ong·atanio, West Garo Hills District Legal Services Authority (DLSA)-ni Secretary IR Marak, ainni gita bia ka·na dongimin bilsi, Prohibition of Child Marriage Act aro bi·sarangko bilsi sokgija bia ka·atanichi namgijanirangko ra·bana man·ani gimin agan-talatanirangko on·angaha.
Ia program-o Tura-ni District Child Protection Officer T Marak, bi·sarangko drae til·ekani, bi·sa badingsrukani, mande gimaani, bilsi sokkugijagipa me·chik bi·sarangni an·o dongani aro uandakgipa case-rangni bidingo agan-talatanirangko on·angskaaha.
Ia tom·anio ALADC Feroz Hussain, jolo songdongenggipa manderangna jattangni ku·sikchi nambate agan-talatanirangko on·angskaaha.
Bi·sarangko bia ka·ataniko champengna awareness program-ko ong·ata
Date:
Share post:
