SHILLONG: Secondary School Leaving Certificate (SSLC) Examinations 2027 ba porikkako December jao ong·atgen ine Meghalaya sorkari parakaha.
Education Department-ni Under Secretary J.G Kharbuli-ni u·iatani gita, December jao porikkako ong·atna gita sorkari tik ka·aha jekon bilo donge kam ka·gipa authority ra·chaka.
School Education and Literacy, Meghalaya-ni Director-ko a·dokni gimik secondary school-rangko porikkani tarikna skang uamangni academic program-rangko matchotatchina ge·etchina u·iataha. Student-rang porikkana name dake tarisona man·sona gita porikkani tarikko seng·gnang parakataha.
