SHILLONG: Shillong Airport-ko dal·batatanio, a·arangko nangdapkua ong·ode nangani kri sorkari, a·arangko ra·dapaigen ine a·dokni Deputy Chief Minister aro Transport Minister Sniawbhalang Dhar parakataha.
Dhar-ni aganani gitade, Shillong Airport-ko dal·bate tarina sorkari, nanga gita a·arangko ra·dapmanaha aro nangdapkua ong·ode nangani kri a·arangko ra·dapkuaigen.
“Batanggimin somoirango chinga a·arangkode ra·aha indiba haida chinga a·arangko ra·dapkuna nangnaba gnang. Nanggenchimode chinga a·arangko ra·dapkuaigen,” ine Deputy CM aro Transport Minister Dhar aganaha.
Kamrangko Deputy Commissioner, name nienga ineba ua parakataha.
Sorkarini bregimin a·arangna tangka paisarangko gamna skang, a·a nokgiparang, dingtang dingtang nokrangko rikenga ine matnangenggipani bidingo sing·anina aganchakaniko on·angengon, iandakgipa kamrangko name nirokchina sorkari, Deputy Commissioner-na ge·etaniko on·manaha ine Dhar parakataha.
“Manderang iandakgipa cholrangko ra·na jotton ka·jachina chinga DC-na name nirokchina ge·etaniko on·aha,” ine ua aganaha.
