TURA: Rimpu Bagan case-o rim·a man·gipa manderangoni badi ka·gipa sak 15 manderangna gong 50,000 ka·e daiko gamchina Meghalaya Human Rights Commission (MHRC)-ni ge·etaniko on·angani ja·man, da·o ia manderangni biming aro biapko jinmani nikrangrao internet gita see parakahani gimin ia manderang, an·tangtangni suk ong·gijaniko parakattokaha.
Re·anggipa 2022 bilsini July 22 tariko, West Garo Hills a·jani Tura-o donggipa Rimpu Bagan-ko police-rangni chadrapanio, mandena on·gimin bilrangko pe·ahani gimin badi ka·dogipa manderangoni sak 15-na daiko gamchina Meghalaya Human Rights Commission (MHRC), u·iataniko on·angahachim.
Commission-ni u·iatani gitade, Rimpu Bagan-ko police-rangni chadrape rim·gipa manderangni ming 30 case-rangko MHRC segataha indiba ia ming 30 case-rangoni ming 15-kode badi ka·gipa manderangan ra·pilahachim.
Indake ong·engon, badi ka·gipa sak 15 manderangna gong 50,000 ka·e daiko gamchina u·iatanio, ia sak 15 manderangni biming aro address-rangkoba internet-o see parakahani gimin uamang suk ong·gijaniko parakattokaha.
“Maming pangchakani gri rim·ako man·e indita somoirangna gisikni gita neng·skimaniko man·ani ja·man da·o chingni biming aro address-rangko jinmani nikrangrao parakaniara chingna kenani aro dongtogijaniko ra·bapiltaianisa ong·aha aro ia lekkako social media-rango watrikrikaniara chingna aro chingni nokdangrangna ra·chakna man·gijani aro kenchakna nanganiba ong·enga,” ine uamang parakataha.
Ia bimingrangko social media-rango watrikrikjachina aro kimite galchina gitaba uamang, social media jakkalenggipa mande sakantikon didiataha.
“Chingni biming aro address-rangko iandake social media-rangko watrikrikangkua ong·ode chinga an·tangtangna on·gimin bilrango pangchake, nanga gita ja·kurangko de·na draatako man·gen. Uni gimin Rimpu Bagan case-o badi ka·giparangni namgnina aro naljokgnina sakantikon chanchininge kamko ka·china mol·molatenga,” ine uamang parakataha.
Rimpu Bagan case-o rim·a man·gipa manderang biming parakani gimin suk ong·ja
Date:
Share post:
