NEW DELHI: Meghalaya a·dokko man·chape a·songni dam 22 a·dokrango, April jaonin Special Intensive Revision (SIR)-ko a·bachengna man·na gita iano nangchakegipa pilak kamrangkon matchotatchina Election Commission, ge·etaniko on·angaha.
Iani bidingo Andhra Pradesh, Arunachal Pradesh, Chandigarh, Dadra & Nagar Haveli & Daman and Diu, Haryana, Himachal Pradesh, Jammu & Kashmir, Jharkhand, Karnataka, Ladakh, Maharashtra, Manipur, Meghalaya, Mizoram, Nagaland, Delhi, Odisha, Punjab, Sikkim, Tripura, Telangana aro Uttarakhand-ni chief electoral officer (CEO)-rangna seachi u·iatengon, re·anggipa bilsini June jaon, voter list-rangni Pan-India SIR-ko dakchina ge·etahachim ine Election Commission parakataha.
BJP sorkarini kosako ‘vote chori’ ba pu·ongiparangko cha·ua ine Opposition Congress dolni matnangahani gimin ia bilsio a·songni dam 13 a·dokrango SIR-ko aro Assam-o Special Revision-ko Election Commission ong·atangaha. Bangki dongkuenggipa dam 22 a·dokrangoba ia apsan dakgipa kamkon Election Commission, ia bilsini gisepon matchotatna miksongenga.
SIR-ko da·o Bihar a·dokode matchotaha indiba dam 12 a·dokrangode da·oba ka·engkua.
