SHILLONG: Bristibar attamo tanggitik saaniko man·e sianggipa Shillong-ni MP Dr Ricky AJ Syngkon-ko mande ra·pilskaani chin gita Sonibar salo, Shillong Parliamentary Constituency-ni ning·o donggipa pilak sorkari office-rangkon sorkari chutti wataha.
Re·anggipa December jao Krismas aro Bilsi Gitalna baditaba sal chutti watahani gimin re·anggipa anti aro ia antide Sonibar salrangoba sorkari office-rang kam ka·na nangengachim ine nikna man·a.
Iani bidingo Assembly-o u·iatengon, Shillong-ni MP Dr Ricky Syngkon-ko mande ra·ani chin gita Shillong Parliamentary Constituency-ni ning·o donggipa pilak a·jarangon sorkari office-rangko chutti watna tik ka·aha ine a·dokni Chief Minister Conrad K Sangma parakataha.
Dr Syngkon-ni manggisiko Sonibar salo galna siengani gimin una bon·kame mande ra·pilskaaniko dakanio pilakan dongpae bak ra·na man·na gita Shillong Parliamentary Constituency-ni ning·o donggipa sorkari office-rangko chutti watna tik ka·aha ineba Chief Minister parakataha.
Shillong-ni MP Dr Syngkon sagiara, Shillong-ni ba Khasi aro Jaintia Hills-nimangmangsan dilgipa ong·jachim ine janapatengon, uni a·gilsakko watanganiara Meghalaya a·dok gimiknan dal·bea gimaani ong·aha ine Chief Minister parakataha.
Dr Syngkon-ni tanggitik sianganichi bangbang ong·e donanggipa biapko kolgapatna namen neng·beani ong·gnok ineba Chief Minister aganaha.
Sianggipa Shillong MP-ko mande ra·na sorkari office-rangko sorkari chutti wata
Date:
Share post:
