SHILLONG: Tura-ni gitcham MP Agatha K Sangma-na Distinguished Public Leadership Award-ko New Delhi-ni Bharat Mandapan-o Times Foundation-ni ong·atanggipa TOI National CSR Summit 2026-o on·aha.
Ia Summit-o a·songni Vice President CP Radhakrishnan, mongsonggipa sokgipa ong·e bak ra·angenba, Agatha-na ia award-ko on·aha.
Ia award-ara, manderangna dangdike on·anio dingtang dingtang kamrangchi, a·songna namroro silroroaniko ra·baanio on·gilanina Foundation’s Lifetime Achievement Honours-ni bak gita on·gipa award ba upatti ong·a.
Ia award-ko, manderangna dangdike on·anio dingtangmancha Search Committee-chi sandienba, Tura-ni gitcham MP-na on·aha.
Ia award-o Agatha Sangma-na, songadam nokadamrango namroro silroroani, national governance aro salgro salaramoni saksa dilgipa ong·pae on·gilahani gimin mittelpilaniko janapaha.
Agatha-ko dambebatsranggipa union minister-rangoni saksa ong·ahani gimin aro uni namroro silroroanina kamrangko ka·ani giminba ia award-o janapaha.
