TURA: Batanggimin bilsirango gitan ia changoba Garo Hills-ni Royal Enfield Bikers Community, Free Medical/Health Camp-ko Sonibar salo, Gopinathkilla songo ong·atangtaiaha.
Ia chang medical camp-ko Black Falcons Motorcycle Club sokachakaha aro ia medical camp-o A·kawe MC, Am·beng Riders, A·we A·chik Riders, Black Falcons MC, Black Hurricanes Meghalaya Chapter, Bleed Blue Crusaders MC, NH-51R.E.B.E.L.S, Queens of Mongols, Royal Northern Riders, Tribal Nation Riders, Tura Enfield Riders Club, Zero 09 MC, Bullet Brothers MC Goalpara, Shallang Tribal Anarchy Group aro Solo Rider-ba bak ra·e ia program-ko chu·sokgipa ong·ataha.
Ia medical camp-ko ong·atanio, songni nokni manderangna be·enni gita indin porikka ra·e niani cholrangko on·angan baksana sanna banani aro samrangkoba suale on·angaha.
Ia medical camp-ko chu·sokatna man·ahani gimin aro ia medical camp-o manderangna sanna bananirangko on·ahani gimin Bikers dolrang, dingtangmancha South West Garo Hills-ni District Medical & Health Officer (DM&HO), doctor-rang, medical staff aro ASHA, AWW, MHIS, Aadhar Card, SBI team-rangkoba mittelpilangaha.
Gopinathkilla aro wilwilao donggipa dingtang dingtang songni Nokma-Sordar-rang aro songni nokni manderangkoba ia medical camp-o bak ra·eahani gimin uamang mittelpilangaha.
GH-ni Royal Enfield Bikers Community, Free Medical Camp-ko ong·ata
Date:
Share post:
