WILLIAMNAGAR: Bristibar salo, Tribal Affairs-ni Union Minister of State (MoS) Durgadas Uikey, East Garo Hills a·jao ra·gate ka·enggipa ma·mong sorkarini dingtang dingtang scheme-rangko nipilna gita East Garo Hills a·jani Deputy Commissioner RP Marak, Additional Deputy Commissioner-rang, Block Development Officer-rang, PHE, PWD, ICDS, Social Welfare, Food and Civil Supplies, Williamnagar Municipal Board, District School Education Office, District Commerce and Industries Center, Agriculture, Health, Horticulture aro dingtang dingtang department-ni official-rang baksa Williamnagar-ni Circuit House-o tom·aniko ong·atangaha.
Dingtang dingtang sorkari department-rangni jako ra·e ka·enggipa ma·mong sorkarini scheme-rangko nipilangengon, ia department-rangni chagrongna nangenggipa neng·nikanirangko namatna uni ministry, kamrangko ka·gen ine Union Minister, ku·rachakaniko on·angenba, East Garo Hills a·jao pilakni gitan namroro silroroaniko ra·bana kakketo kamrangko ka·china sorkari officer-rangko didiangaha.
Union Minister of State, February-ni 25 tariko, Williamnagar-ona sokbaaha aro uni East Garo Hills a·jaona re·baanio ua, Rongap Mikgilsimgre-o donggipa strawberry bagan, Samanda Rikwarenggre songni Eklavya Model Residential School, Williamnagar-ni DCIC Emporium aro Nengmandalgre Fish Sanctuary-koba niangaha.
