SHILLONG: Meghalaya a·doko electoral roll-rangko nipilna gita Special Intensive Revision (SIR)-ko dakanio, a·doko songdongkame dilgiparangko seokenggipa manderang maming neng·nikanirangko man·jana gita Nokma aro uandake songko nokko chalaienggipa manderang ba dolrangni dakchakanirangkoba ra·china Sukrobar salo, National People’s Party (NPP) Meghalaya State unit, Election official-rangko didiataha.
Iani bidingo a·dokni Chief Electoral Officer (CEO) BDR Tiwari-na seachi u·iatengon, Special Intensive Revision-ko dakanio dingtang dingtang lekkarangko mesokna nangani gimin manderang neng·nikanirangko chagrongna nangronga ine NPP Meghalaya state unit-ni general secretary Don Kupar War parakatenba, SIR-ko dakanio a·doko songdongkamgipa asol manderang maming neng·nikanirangko man·jana gita Nokma, Dorbar Shnong aro uandakgipa dilgiparangni lekkarangkoba ra·chakchina didiataha.
NPP-ni parakatani gitade, Meghalaya a·dokara Sixth Schedule a·doksa ong·ani gimin Panchayati Raj institute-rang dongja aro manderangna sakkiko on·anio Nokma, Dorbar Shnong aro uandakgipa dilgiparangsa mongsonggipa kamrangko ka·a.
Bilsi 40 aro una batgipa manderangde Births & Deaths Registrar-ni on·gipa birth certificate-rang dongpajanaba gnang ine janapatskaengon, iandakgipa obostarango, napbolani certificate aro songo noko on·gipa certificate-rangko ra·skachina gita NPP didiataha.
Electoral Roll-rangko SIR dakanio Nokma cerficate-rangko ra·chakchina didia
Date:
Share post:
