SHILLONG: Deputy Chief Minister aro Home Minister Prestone Tynsong, Sukrobar salo Meghalaya Police-ni manggittam achak retire ong·gipa K9 hero-rangko mittelpilskaaniko on·angaha aro K9 Unit-ona gitalko ra·dapangaha.
Tom·aniko “gisikantioni dingtangtegipa,” ine done Tynsong aganangaha, K9 Unit-ko CID wing-ni ning·o 1975 bilsio a·bachengataha, ian a·dokni chel·chakanina kam ka·anio bilakgipa krong dake dongangkuaha. Garo Hills gimiko so·sojengjeng ong·gipa biaprango gopretatgiparangoniko janggirangko chel·chakenganio unit mongsonggipa role-rango kam ka·aha, jedake dal·begipa narcotic-rangko rim·na man·aha, 2023 bilsio Ri-Bhoi district-o tangka kror 5-ni heroin-ko rim·na man·aha aro ia bilsio Shillong-o gram 691.54-koba man·aha, ine ua de·e aganaha.
DREAM mission-ni ning·o achak mangsnioniko mang 37 baridapatanichi K9 Unit-ni bilakdapaha. Pekgipa samrangko badingsrukgiparangko rim·na, gopretatanio jakkalgipa bosturangko rim·na, ja·kol sana da·o chel·chakgipa dolrangko apalbatataha aro a·dok gimikni dingtang dingtang bakrango donanggen, ine ua agandapangaha.
Program-o Remor aro Rester manggnian bilsi ong·gipa Labrador-rang jemangan bilsi 10-na narcotic aro gopretatna jakkalgipa bosturangko rim·na sandianio dangdike on·angaha aro Cairo jean bilsi 10 ong·gipa Begian Malinois ja·kolko sandina ta·rakgipa jean da·o an·senggijaniko man·e program-o dongpana man·jaha, uamangni K9-o retire ong·anina mittelpilskaniko on·angaha.
