TURA: Garo Hills Autonomous District Council (GHADC) election-o susana gita Scheduled Tribe (ST) certificate-ko nangtelgipa ong·atna tik ka·aniko Phulbari-ni gitcham MLA Esmatur Mominin-ni sing·doatani ja·man, GHADC-ara Indian Constitution-ni Sixth Schedule ning·o, A·chik jatni daka rikani, a·a-chia aro niam retirangko rakkina on·gimin bimangsa ong·a ine Rongrong constituency-ni MDC Rinaldo K Sangma parakataha.
Mominin-ni agangipa kattarangna aganchakaniko on·atengon, GHADC-ara, A·chik Tribal jatni niam retirangko, a·a-chiarangko aro gam-jinrangko Tribal ong·gijagipa manderangoniko chel·chakna gita Sixth Schedule-ni ning·o on·gimin bimangsa ong·a aro iako gipin jatrang ma·sina nanga ine Sangma parakataha.
Sixth Schedule-ni ning·o Autonomous District Council (ADC)-rangna on·gimin bil aro niamrangko ma·sie ra·china gita gitcham MLA Mominin-ko didiatengon, GHADC-ara Garo Hills-o songdongenggipa Tribal-rangko, mongsongbate Garo manderangko pilakni gitan chel·chakna on·gimin bimangsa ong·a ine Rongrong MDC parakataha.
GHADC-ara A·chik jatko chel·chakna aro jatni niam retirangko rakkina on·gimin bimangsa ong·a ine janapatengon, GHADC-ni kamrango ba da·o ong·na sienggipa GHADC election-ni bidingo mamingkoba aganpajachina ba jak on·pajachina gita Sangma, Mominin-ko didiataha.
Sixth Schedule-ni niamrangko mande ra·china aro jatni daka rikani baksana A·chik a·songko chel·chakanio A·chikrang baksa bakrimaniko on·china gitaba ua, gitcham MLA Mominin-ko didiataha.
A·chik jatko chel·chaknasa Sixth Schedule-ni ning·o GHADC-ko on·a: Rinaldo
Date:
Share post:
