SHILLONG: Census 2027-na tarisamsoanirangko a·bachengataon Meghalaya, meja Sukrobar salo Main Secretariat-o State Nodal Officer for Census Pooja Pandey-ni dilanio tom·angaha.
Tom·anio dingtang dingtang district-rangoni Deputy Commissioners aro Principal Census Officer-rang Directorate of Census Operations-ni officer-rang baksa tom·angao census ka·ani bidingo kamrangko ka·na chanchirimangaha.
Bilsi 2021-o House Listing and Housing Census- aro Population Enumeration- ia bakgni ba gadang gni dake census-ko dakangna tik ka·ahachim indiba Covid-19 sajinma sokani a·sel dondipataha. Indake da·ode bilsi 2027-o census-ko digital mode-o ka·angna tik ka·skaha.
Dr. Pandey jena Meghalaya sorkarina watgipa Commissioner aro Secretary-ba ong·a uan tom·aniko dilangaha. Jeon census-ko dakanio gamchatanirangko aro gimik stakeholder-rang baksa ku·monge kam ka·na aganaha.
Census Operations Meghalaya-ni Joint Director Subhasish Chatterjee, presentation-ko on·angaha.
House Listing Operation (HLO)-kamko a·bachengani bidingo chanchirimangaha. Self enumeration phase-ko May 1 tarikoni May 15 2026-ona dakanggen. Uni ja·man joljol house-to-house listing operation-ko May 16- JUne 14 2026-ona dakangskagen.
Census-ara dal·begipa administrative-ni kam ong·a, uni gimin sorkarini dingtang dingtang level-rangoni personnel-rang, state department aro Directorate of Census Operation-ni staff-rang baksa meligrike kam ka·na nanggen ine Dr Pandey aganangkuaha.
