SHILLONG: Meghalaya-oni CUET-PG porikkako segipa candidate-rang ia porikkako sena gita Northeast-ni a·palchi ong·katna nangjawaha ine Directorate of Higher and Technical Education (DHTE) u·iataha.
National Testing Agency (NTA)-ni ong·atgipa test ba porikkako seatna tarisoanirangni gimin talatengon, ‘a·dokoni chadamberang gipin biaprangona re·an nangjana gita bang·bate compatible computer node-rangko ra·baenga’ ine aganaha.
Bilsirikan ia porikkana biming segatgipa candidate-rang batrikrikengon, ia computer-based test-na bang·bate computer node-rangko nangenga. NTA-ni porikkako uamangni capacity-o pangchakesa ong·ata.
Indiba jensalo student-rang common paper-na register ka·gipa bang·ahaon mitamrang gnigipa ba gittamgipa centre-rangko besena nangao ga·aka.
Uandake March 6 aro 7 tariko porikka segipa candidate-rangna Meghalaya-on centre-rangko tikataha. March 8 tarikoni 10 tarikona porikka senagiparangnaba shift-ko sualataha.
Iarangni gisepon a·dok sorkari, Meghalaya-ni sorkari educational institution-rango permanent Computer-Based Test Centre-rangko donna kam ka·enga. Kamko matchotahaode Meghalaya-ni candidate-rang a·palchi re·na ngita nangjawajok.
Meghalaya-ni CUET-PG candidate-rang NE-ni a·palchi re·na nangjawaha: DHTE
Date:
Share post:
