TURA: Re·baenggipa April-ni 10 tariko ong·atna sienggipa Garo Hills Autonomous District Council (GHADC) election-o susana gita Bharatiya Janata Party (BJP)-ba candidate sakbriko parakdapataha.
BJP-ni state general secretary Wankitbok Pohshna-ni u·iatani gitade, ia candidate sakbriko BJP-ni state election committee (SEC) ra·chakangaha aro ia candidate sakbriara, Gasuapara GHADC constituency-na Alphonse Sangma, Babelapara constituency-na George P Sangma, Raksamgre constituency-na Karmingstone N Marak aro Jengjal GHADC constituency-na Miritha T Sangma ong·a.
GHADC election-o susana gita iana skangba BJP-ni sak 19 candidate-rangko parakatahachim aro da·o candidate sakbriko parakdapahani gimin GHADC election-o susana sienggipa BJP-ni candidate-rang gimik sak 23 gapengaha.
Skanggipa parakatgipa BJP-ni sak 19 candidate-rangara, Tura-ni MDC Bernard N Marak, Siju constituency-na Mark Pantora M Sangma, Barengapara constituency-na Akki A Sangma, Amongpara constituency-na Wilnath T Sangma, Dengnakpara-na Repsin M Sangma, Boldamgre-na Drojil D Sangma, Nogorpara-na Salibirth M Sangma, Zikzak-na Bhupendra Hajong, Betasing-na Hiralal Koch, Rochonpara-na Jeberth M Sangma, Balachanda-na Rikse K Marak, Batabari-na Clement Marak, Shyamnagar-na John Keats Sangma, Naguapara-na Rahinath Barchung, Rongrong-na Barning Marak, Bolsong-na Sengpan K Marak, Damas-na Bikash G Momin, Kharkutta-na Sengsrang R Marak aro Samandagre GHADC constituency-na Charles T Sangma ong·a.
