SHILLONG: Sukrobar salo Governor Chandrashekhar H. Vijayashankar, Lok Bhavan-o Mobile Food Processing Unit (MPU)-ko oprakaha, salgro salaram a·dokrango food processing-ko bilakdapatna aro game ge·e cha·enggiparangko dakchakna miksonge iako a·bachengataha.
“Processing on Wheel” cholrangko chonchongipa game ge·e cha·giparangna uamangni nokmikangona bolam biterangoniko ripinge donani cha·anirangko tarina cholko on·a miksonge ja·ku de·aha. MPU ian dingtang dingtang rokomi bolam biterangoniko cha·anirangko tariangna man·a chonbegipa tarigipa bostu ong·a.
Project-ko North East Centre for Technology Application and Reach (NECTAR), Ministry of Science and Technology, aro CSIR–Central Food Technological Research Institute (CFTRI), Mysuru-ni ning·o autonomoud body apsan nangrime tariaha.
Songadamnni manderangna technology-ko ra·baenga aro ja·ku de·angenganina NECTAR-ko oprakani somoio Governor de·mittelaha. Programme-rang jekai Mobile Food Processing Unit, joltangni manderangko bilakna bil donggipa ong·a aro a·jao game ge·e cha·enggiparangna aro entrepreneur-rangna namgipa janggi tangani cholrangko ong·katataha aro gama ge·aoniko ong·katatna gamchatako on·dapa ine ua aganaha.
Salgro salaram a·dokrangko namroroatna science aro technology-ko jakkalangna organisation-ni on·kanganiko NECTAR-ni Director General Arun Kumar Sarma agan-talataha. Innovation-o ja·ku de·ani jekai MPU dakgipa songadamrango aro ja·manchakgipa biaprango janggi tangani cholrangko namdapatna dakchakgipa ong·gen ine ua aganaha.
Directorate of Food Processing Meghalaya, Meghalaya Natural and Organic Farming Society for Livelihood and Innovation in Agriculture, Meghalaya State Rural Livelihoods Society (MSRLS), North Eastern Region Community Resource Management Society (NERCRMS) aro Institute of Bioresources and Sustainable Development (IBSD)-oni manderang programme-o dongpaaha.
Guv, game ge·e cha·enggiparangna Mobile Food Processing Unit-ko opraka
Date:
Share post:
